“O mare” di Eduardo De Filippo

mare calmo

                

                O mare fa paura

accussì dice ‘a ggente
guardanno ‘o mare calmo,
calmo cumme na tavula.
E dice ‘o stesso pure
dint’ ‘e gghiurnate ‘e vierno
quanno ‘o mare s’aiza,
e l’onne saglieno
primm’ a palazz’ ‘e casa
e pò a muntagne.
Vergine santa scanza ‘e figlie ‘e mamma!
Certo,
pè chi se trova
cu nu mare ntempesta
e perde ‘a vita,
fa pena.
e ssongo ‘o primmo
a penza’ ncapo a me:
Che brutta morte ha fatto
stu pover’ommo,
e che mumento triste c’ha passato.
Ma nun e’ muorto acciso.
È muorto a mmare.
‘O mare nun accide.
‘O mare è mmare,
e nun ‘o sape ca te fa paura.
Io quanno ‘o sento…
specialmente ‘e notte
quanno vatte ‘a scugliera
e caccia ‘e mmane…
migliara ‘e manesognare-mare-in-tempestamare in tempesta
e braccia
e ggamme
e spalle…
arraggiuso cumm’e’
nun se ne mporta
ca c’ ‘e straccia ‘a scugliera
e vveco ca s’ ‘e ttira
e se schiaffea
e caparbio,
mperruso,
cucciuto,
‘e caccia n’ata vota
e s’aiuta c’ ‘a capa
‘e spalle
‘e bracce
ch’ ‘e piede
e cu ‘e ddenocchie
e ride e chiagne
pecché vulesse ‘o spazio pe’ sfuca’…
Io quanno ‘o sento,
specialmente ‘e notte,
cumme stevo dicenno,
nun e’ ca dico:
‘O mare fa paura,
ma dico:
‘O mare sta facenno ‘o mare.

Lascia un Commento

Il tuo indirizzo email non verrà pubblicato.I campi obbligatori sono evidenziati *

*